Санжыра

Кош келиңиздер

Бул сайт кыргыздардын санжырасын тактоого жана мындан ары өнүктүрүү менен бирге каада-салттарын да, элге жеткизип турууга арналмакчы.

Санжыра - Бабалардан керээз, келечекке мурас. Санжырада - Эрден Элге адам наркы, өмүр куну, өтөлгөсү өтсүн-сиңсин, өркүндөсүн деп, айтылып келет.

Санжырада - Элден Элге насаат, осуят, таалим үлгү таркалсын, абийир, намыс, биримдик тагдыр баркталсын деп айтылып келет.

Санжырада - Кыргыздын салтанат-салты, насили дайын болуп, азгын тозгун, карып-мискин, бей-бечарага кайрымдуу, ырайымдуу калк болгону даңазаланат.

Карылары каадалуу, нарк, санатты сүйлөгөн даанышман;
Аялдары ажарлуу, адептуу, билгич, айжаркын;
Жигиттери жигердуу, өрттөн жалтанбаган, жоодон тайманбаган баатыр;
Келиндери келбеттуу, кенен өсүп, кенен жүргөн шайыр;
Кыздары кымбаттуу, өңдөрү сулуу, сөздөрү жылуу, кыз кийбесе уят деп, бар тапканын кыз-кыркынга кийгизген, Кыргыз, мырза эл болгону данкталат Санжырада.

Бул сайттан Сиздер санжырадан башка дагы көп керектуу, кызыктуу нерселер, жаңылыктар менен таанышып көрүп турсаңыздар болот.

Санжыра боюнча тактоо иретинде кошумча алымчаңарды, сунуш пикирлериңерди эл.почта аркылуу берип туруңуздар.
Бул иштер сайт аркылуу жүргүзүлүп жаткандыктан туура эмес кеткен жерлери болушу мүмкүн. “Көч бара-бара түзүлөт” дегендей Сиздердин жардамыңыздар менен сайт келечекке пайдалуу кызмат кылат деген ойдобуз.

Бул сайт - Теңир жараткан тегибизди азыркы муун, кийинки муун, урпактар менен улап-курап кандаштырып жалгаштырып турган уютку болушуна ишенебиз. ЗЭТ

Биздин дарек:
E-mail: tzamirbek@rambler.ru
Tel: 0 703 03 10 52,
0 999 03 10 52

КЫРГЫЗ РЕСПУБЛИКАСЫ
ЖӨНҮНДӨ
КЫСКАЧА МААЛЫМАТ

⇒ Кыргыз Республикасы (КР) Казакстан, Өзбекстан, Тажикстан жана Кытай Эл Республикасы менен чектешет. Чегарасынын жалпы узундугу 4508 км. Эң узуну Өзбекстан менен болгон чегара (1374 км).
⇒ Республиканын батыштан чыгышка чейинки эң узун аралыгы 925 км, түндүктөн түштүккө чейин 453,9 км.
⇒ Жалпы аянты 199,9 миң км², анын 93%и тоо, аймагынын 94,2 %и деңиз деңгээлинен 1000 м, 40,8 %и 3000 метрден ашык бийиктикте.
⇒ Калкынын жалпы саны 6,2 млн (2018, 01-январь).
⇒ Административдик аймагы 7 облустан турат: Ош, Жалалабат, Баткен, Талас, Чуй, Ысыккөл, Нарын. Борбору - Бишкек ш.
⇒ Кыргызстанда эң ысык температура+44°С-Чуй, эң суук температура -54°С Аксай метеостанциясында катталган.
⇒ Кыргызстан жер шарынын кургак жеринин 0,13%ын ээлейт, дүйнөлүк фаунанын 3%ке жакыны бар.
⇒ Кыргыз Республикасы өзүнүн тарыхында алгачкы жолу 1991 жылдын 31-августунда көз каранды эмес эгемендүү мамлекет болуп жарыяланган.
⇒ Кыргыз Республикасынын 1 -Конституциясы 1993 жылдын 5-майында Кыргыз Республикасынын Жогорку Кеңеши тарабынан кабыл алынган.

Кош келиңиздер

КЫРГЫЗ РЕСПУБЛИКАСЫ ЖӨНҮНДӨ КЫСКАЧА МААЛЫМАТ

КЫРГЫЗ РЕСПУБЛИКАСЫ
ЖӨНҮНДӨ
КЫСКАЧА МААЛЫМАТ